Friday market victims

العديد من الناشطين في السوشيال ميديا ومن محبي الحيوانات قرروا أن يذهبوا بنفسهم ل #سوق_الحمام_الكويت ويروا بانفسهم ما يجري. الكل مندهش من هذه المناظر أن تكون في الكويت. شكرا عل. اهتمامكم رنا. Reposting from @ranafitness – سلحفاة … عليها السعر و كأنها قطعة من أثاث .. أتوقع لو انها طاولة و لا كرسي جان حطوها في مكان أحسن !! هذا مكان أحط فيه حيوان للبيع ؟؟! هل اللي تشوفونه صح ؟! منو يرضى يشوف شي چذي و يسكت عنه ؟! و هذا مثال واحد من زيارتنا أمس لسوق الحمام 😤 شفنا بيع لطيور مهاجرة و سناجب في قفص واحد اللي نعتقد انها ممنوعة من البيع .. و لكن ما عندنا معلومات كافية إذا في تراخيص خاصة لبيع هالنوع من الحيوانات أو يبيعونها على البركة چذي لا حسيب و لا رقيب …. أتمنى من أصحاب الخبرة بالطيور خاصة يروح يشوف الأنواع المعروضة للبيع و يفيدنا إذا القانون باتجار الحيوانات هذي يسمح ببيعها أم لأ !!. . للعلم … حملة #إغلاق_سوق_التعذيب قام بها شخص معاه بعض أصدقائه و متطوعي من محبي الحيوانات و قلبهم ما سمح لهم ان هالشي يستمر .. مجهود شخصي بحت قام به الشاب/ طلال العازمي مشكوراً و تلقى العديد من التشجيع على شبكات التواصل الاجتماعي … مجهود شخص واحد فقط و النتيجة ان بعد تقريبا اسبوع من شن هالحملة اصحاب المحلات شوي قاموا يخافون و يدخلون القطط و الكلاب داخل المحلات المكيفة !! و الأخ طلال أمس يقولي ان تجاوب الشرطة من مركز مخفر الشويخ ساعده في أنه البياعين يسمعون كلامه و يخافون … وين جمعية الرفق بالحيوان ؟؟! والله مادري !! ترا عندنا جمعية و موجودة من سنين !! و لا حتى تويت واحد عن هالحملة !! سألتهم في تويتر أمس و جوابهم كان: "احنا ما انشهر بانجازاتنا إلا لما يكون عندنا انجاز أكيد و موثق… بس شغالين على هالموضوع" …. صج ؟! والله ممتاز !! يالله ان شاء الله نشوف شي عن قريب .. لأن حسابكم في انستغرام من سنتين لا حس و لا خبر على اللي قاعد يصير في سوق الحمام و سوق الجمعة من انتهاكات على قانون حماية الحيوانات في الكويت !! بس أشوف كل انجازاتكم من مقابلات تلفزيونية و الحفلات الخيرية لجمع التبرعات و الحين فتحتوا فندق للكلاب موجودة بانستغرامكم … انجازاتكم كثيرة ماشاءالله و الله يكثر منها في الاتجاه الصح بس و عن قريب نسمع منكم لأنها الجمعية الوحيدة للرفق بالحيوان الرسمية في الكويت .. هذي همتكم عاد لا تنسون ☝🏼️🤓. #اغلاق_سوق_التعذيب #سوق_الحمام_الكويت #سوق_الجمعة_الكويت #حيوانات #سلحفاة #الكويت @epa_kw @q8needsyou

A post shared by KARE (@kareq8) on

This entry was posted in Awarness, Education, Video. Bookmark the permalink.